தமிழில் பங்குச்சந்தை

பங்குச்சந்தை செய்திகள், அலசல்கள், வாய்ப்புகள், உயர்வு, சரிவு….

சாப்ட்வேர் நிறுவனங்களின் லாபம் சரிவு : ஊதிய உயர்வு பாதிப்படையுமா ?

Posted by பங்குச்சந்தை மேல் ஜூலை 11, 2007

ரூபாயின் மதிப்பு உயர்ந்துள்ளதால் சாப்ட்வேர் நிறுவனங்களின் லாபம் குறைந்துள்ளது. இன்று தனது வருவாய் அறிக்கையை சமர்ப்பித்த இன்போசிஸ் நிறுவனம், கடந்த காலாண்டுடன் ஒப்பிடுகையில் தனது லாபம் 8.5% சரிந்துள்ளதாக தெரிவித்துள்ளது. ஆனல் கடந்த ஆண்டுடன் ஒப்பிடும் பொழுது இதன் லாபம் 27.7% அதிகரித்துள்ளது.

ரூபாய் உயர்ந்துள்ளதால் தனது லாபம் 287 கோடி வீழ்ச்சி அடைந்துள்ளதாக அந் நிறுவனத்தின் அறிக்கை தெரிவிக்கிறது. பெருகி வரும் ஊழியர்களின் சம்பளம், ரூபாயின் மதிப்பு உயருவது போன்ற நெருக்கடிகளால் சாப்ட்வேர் நிறுவனங்கள் தங்களது Billing ரேட்டினை அதிகரிக்க வேண்டிய தேவை எழுந்துள்ளதாக கருதப்படுகிறது.

தற்போதைய அளவில் ஊழியர்களின் சம்பளம் பாதிப்படையாது. ஆனால் இதே நிலை நீடித்தால் சம்பள உயர்வு மற்றும் சம்பள விகிதத்தில் சரிவு ஏற்படலாம் என்று கருதப்படுகிறது

இன்போசிஸ் பங்கு இன்று சுமார் 90 ரூபாய் சரிவடைந்தது. பெரும்பாலான சப்ட்வேர் பங்குகள் கடும் சரிவடைந்தன. இதன் காரணமாக மும்பை பங்குச்சந்தை இன்று சுமார் 100 புள்ளிகள் சரிவடைந்து 14910 என்ற நிலையில் உள்ளது

Posted in பங்குச்சந்தை செய்தி, வணிகச்செய்திகள், Indian Markets, Rupee | Leave a Comment »

சரியும் அமெரிக்க பொருளாதாரம் : அலறும் பங்குச்சந்தைகள்…

Posted by பங்குச்சந்தை மேல் ஜூலை 10, 2007

இன்று அமெரிக்க பங்குச்சந்தைகள் கடும் சரிவு அடைந்தன. அதன் எதிரொலி தற்பொழுது ஆசியப் பங்குச்சந்தைகளிலும் கேட்கிறது. அமெரிக்க பங்குச்சந்தையின் Dow Jones Industrial Average 148 புள்ளிகள் சரிவடைந்தது.

இதையடுத்து சற்றுமுன் வர்த்தகம் ஆரம்பித்த ஆசியப் பங்குச்சந்தைகளிலும் இது எதிரொலிக்க தொடங்கியுள்ளது. ஜப்பானின் Nikkei 225 புள்ளிகள் சரிவடைந்துள்ளது. ஆஸ்திரேலியா மற்றும் தென்கொரியா பங்குச்சந்தைகளும் சரிவடைந்துள்ளன

இந்தச் சரிவிற்கு காரணம் என்ன ?

அமெரிக்காவின் ரியல் எஸ்டேட் மற்றும் கட்டுமானத்தொழில் (Housing Sector) கடும் வீழ்ச்சியினை எதிர்கொண்டுள்ளது. இன்று தனது வருவாய் அறிக்கையினை சமர்பித்த அமெரிக்காவின் மிகப்பெரிய கட்டுமானப் பொருள் விற்பனை நிறுவனமான ஹோம் டிப்போட் ( Home-improvement retailer Home Depot), தன்னுடைய வருவாய் 2007ம் ஆண்டு வீழ்ச்சி அடையும் என தெரிவித்துள்ளது. அமெரிக்காவின் கட்டுமானத்துறை தொடர்ந்து வீழ்ச்சி அடைந்து வருவதால் தனது லாபத்திலும் வீழ்ச்சி இருக்கும் என அந் நிறுவனம் தெரிவித்துள்ளது.

இது தவிர மதிப்பீட்டு நிறுவனமான (Rating Agency) Standard & Poor’s அமெரிக்காவின் வீட்டுக்கடன் பத்திரங்களான subprime residential mortgage-backed securities (RMBS) பலவற்றின் ரேட்டிங் சரியாக செய்யப்படவில்லை என்றும் $12 billion மதிப்புள்ள பத்திரங்களின் ரேட்டிங் குறைக்கப்படும் என்றும் கூறியுள்ளது. இது வீட்டுக்கடன் வட்டி விகிதத்தை அதிகரிக்க கூடும். இது ஏற்கனவே கடும் வீழ்ச்சியை
எதிர்கொண்டுள்ள கட்டுமானத்தொழிலை மேலும் வீழ்ச்சி அடையச் செய்யும். அமெரிக்க பொருளாதாரமும் கடுமையாக பாதிப்படையும்.

கச்சா எண்ணெய் ஒரு பேரலுக்கு $73 என்ற நிலையை எட்டியது

இந்தக் காரணங்களே பங்குச்சந்தையை வீழ்ச்சி அடைய வைத்தன

***

இந்தியப் பங்குச்சந்தையிலும் இது எதிரொலிக்க வாய்ப்புள்ளது. இன்போசிஸ் தனது வருவாய் அறிக்கையை சமர்ப்பிக்க உள்ளது. ரூபாயின் மதிப்பு உயர்ந்துள்ளதால், இன்போசிஸின் வருவாய் குறையும் என தெரிகிறது

Posted in அமெரிக்க சந்தை, US Markets | Leave a Comment »

இந்தியாவிற்கு பணம் அனுப்பாமல் டாலர் உயரும் என காத்திருப்பவரா நீங்கள் ?

Posted by பங்குச்சந்தை மேல் ஜூலை 10, 2007

இந்திய ரூபாய் டாலர் இடையேயான பறிமாற்ற நிலை இன்று 40.3725 என்ற அளவில் இருந்தது. இது கடந்த 9 ஆண்டுகளில் இல்லாத கடும் உயர்வு ஆகும்

இந்தியாவிற்கு அதிக அளவிலான வெளிநாட்டு முதலீடுகள்/செலவாணி வந்து கொண்டிருக்கும் நிலையில் அதிகளவில் டாலருக்கான தேவை இல்லாததால் ரூபாய் கடந்த சில மாதங்களாக கடும் உயர்வை பெற்று வருகிறது

இந்தியாவிற்கு பணம் அனுப்பாமால் டாலர் உயரும் என காத்திருப்பவரா நீங்கள் ? உடனே அனுப்பி விடுங்கள். பெரிய அளவில் ரூபாய் சரிவதற்கான வாய்ப்புகள் இல்லை

Posted in வணிகச்செய்திகள், Indian Markets, Rupee | 15 Comments »

மும்பை பங்குச்சந்தை 2020 ஆண்டில் 50,000 புள்ளிகளை எட்டும்

Posted by பங்குச்சந்தை மேல் ஜூலை 8, 2007

மும்பை பங்குச்சந்தையின் குறியீடு கடந்த வாரம் 15,000 புள்ளிகளை எட்டியது. இதையடுத்து மும்பையின் பங்குச்சந்தை குறியீடு 50,000 புள்ளிகளை எட்டும் என அமெரிக்க பங்குத்தரகு நிறுவனமான மோர்கன் ஸ்டான்லி கூறியுள்ளது

Sensex hits 15000

Posted in பங்குச்சந்தை செய்தி, Indian Markets | 3 Comments »

BSE zoomed over 100pts in morning deals

Posted by பங்குச்சந்தை மேல் பிப்ரவரி 19, 2007

இன்று காலை வர்த்தகம் தொடங்கியது முதல் இந்தியப் பங்குச்சந்தையில் ஏற்றம் காணப்படுகிறது. மும்பை பங்குச்சந்தை குறியீடு சுமார் 100 புள்ளிகள் உயர்ந்தது. ஐசிஐசிஐ, பார்தி, விப்ரோ ஆகிய பங்குகள் உயர்ந்தன.

இந்த வாரம் சந்தையில் சிறிது தடுமாற்றம் இருக்கும். F&O expiry இந்த வாரம் இருக்கும் என்பதால் சந்தையில் ஏற்றமும், இறக்கமும் மாறி மாறி காணப்படும்.

பார்மா (Pharma) பங்குகள் வீழ்ச்சி அடையும் வாய்ப்பு இருக்கிறது. குறிப்பாக ரான்பேக்சி அமெரிக்க அலுவலகங்களில் நடந்த ரெய்ட் ரான்பேக்சி பங்குகளை கடுமையாக சரிவடைய செய்யும். F&O சந்தையில் ராம்பேக்சி பங்குகளை விற்கலாம். இது 370க்கு சரியலாம்

விப்ரோ மற்றும் பிற டெக்னாலஜி பங்குகள் உயரும் வாய்ப்புகள் உள்ளது

இந்த வாரம் சந்தை சூழ்நிலை குறித்து நிச்சயமாக கூற இயலாது என்றாலும், தற்போதைய சூழலில் சந்தையில் உயர்வு காணப்படுகிறது. அமெரிக்க சந்தைகள் கடந்த வாரம் நல்ல உயர்வுடன் காணப்பட்டாலும், வெள்ளியன்று பெரிய உயர்வோ, சரிவோ இல்லாமல் தான் வர்த்தகம் நிறைவுற்றது. பிற ஆசிய பங்குச்சந்தைகளிலும் இதே நிலை தான் காணப்படுகிறது.

கச்சா எண்ணெய் பேரல் $59க்கு வந்துள்ளது. டாலர் – ரூபாய் பரிமாற்றம் ரூ44.07 என்ற அளவில் உள்ளது

BSE

NSE

Posted in பங்குச்சந்தை செய்தி, Indian Markets | 1 Comment »

Dow Closes Up 3, Nasdaq Finishes Down 1

Posted by பங்குச்சந்தை மேல் பிப்ரவரி 16, 2007

கடந்த பத்து ஆண்டுகளில் இல்லாத அளவுக்கு கட்டுமானத் துறை தற்பொழுது வீழ்ச்சி அடைந்து வருகிறது. ஜனவரி மாதத்தில் மட்டும் கட்டுமான துறை சுமார் 14.3 அளவுக்கு வீழ்ச்சி கண்டுள்ளது. இது தவிர மைக்ரோசாப்ட் விஸ்டாவின் வருவாய் பங்குச்சந்தை எதிர்பார்க்கும் அளவுக்கு இருக்காது என மைக்ரோசாப்ட் நிறுவனம் தெரிவித்துள்ளதால் மைக்ரோசாப்ட் பங்குகள் வீழ்ச்சி அடைந்தன

இந்தக் காரணங்களால் தடுமாறிக்கொண்டிருந்த Dow இறுதியாக 3 புள்ளிகள் உயர்வுடன் பங்குச்சந்தை வர்த்தகம் இன்று நிறைவு பெற்றது

Dow Ends Up 3 at 12,768, Nasdaq Ends Down 1 at 2,496 Due to Slide in Housing Starts

Posted in அமெரிக்க சந்தை, பங்குச்சந்தை செய்தி, US Markets | 1 Comment »

Dow, Nasdaq Fall in Midday Trading

Posted by பங்குச்சந்தை மேல் பிப்ரவரி 16, 2007

கடந்த மூன்று நாட்களாக சுமார் 200 புள்ளிகளுக்கும் அதிகமாக உயர்ந்த Dow Jones இன்று சரிந்துள்ளது.

கடந்த பத்து ஆண்டுகளில் இல்லாத அளவுக்கு கட்டுமானத் துறை தற்பொழுது வீழ்ச்சி அடைந்து வருகிறது. ஜனவரி மாதத்தில் மட்டும் கட்டுமான துறை சுமார் 14.3 அளவுக்கு வீழ்ச்சி கண்டுள்ளது. இது தவிர மைக்ரோசாப்ட் விஸ்டாவின் வருவாய் பங்குச்சந்தை எதிர்பார்க்கும் அளவுக்கு இருக்காது என மைக்ரோசாப்ட் நிறுவனம் தெரிவித்துள்ளதால் மைக்ரோசாப்ட் பங்குகள் வீழ்ச்சி அடைந்தன

In midday trading, the Dow fell 15.22, or 0.12 percent, to 12,749.79

Posted in அமெரிக்க சந்தை, US Markets | Leave a Comment »

பங்குச்சந்தையில் தீவிரவாதிகள் : உண்மை என்ன ?

Posted by பங்குச்சந்தை மேல் பிப்ரவரி 16, 2007

பங்குச்சந்தையில் தீவிரவாதிகள் வர்த்தகம் செய்வதாக எம்.கே.நாராயணன் கூறியதை பங்குச்சந்தையை தீவிரவாதிகள் manipulate செய்வதாக பல பத்திரிக்கைகளும், தொலைக்காட்சிகளும் செய்தி வெளியிட்டு முதலீட்டாளர்களுக்கு பயத்தை ஏற்படுத்தின.

பங்குச்சந்தையை manipulate செய்யும் அளவுக்கு தீவிரவாதிகளிடம் பணம் இருக்கிறதா என்பதும் பங்குச்சந்தையில் சதி செய்ய பணம் தவிர பங்குச்சந்தை குறித்த விபரமான அறிவு தேவை என்பதை எல்லாம் கணக்கில் எடுக்காமல் இந்த பத்திரிக்கைகள் செய்திகள் வெளியிட்டுள்ளன.

இந்தியப் பங்குச்சந்தையின் வளர்ச்சி பெரும்பாலும் வெளிநாட்டு முதலீட்டாளர்களாலேயே (FII) உயர்ந்துள்ளது. தீவிரவாதிகளும் இதில் முதலீடு செய்து லாபம் அடைகிறார்கள் என்பதே எம்.கே.நாராயணன் அவர்களின் கருத்து. இது குறித்து நடவடிக்கை எடுக்கப்படும் என மன்மோகன் சிங் தெரிவித்துள்ளார்

Posted in பங்குச்சந்தை செய்தி, வணிகச்செய்திகள், Indian Markets, Stock Market | 2 Comments »

ராஜ் டிவி பங்குகளை வாங்க வேண்டாம்

Posted by பங்குச்சந்தை மேல் பிப்ரவரி 15, 2007

சன் டிவிக்கு அடுத்து ராஜ் டிவி பங்குகளை வெளியிட்டு உள்ளது.

IPO விபரம்

91 கோடி ரூபாயை இந்த IPO மூலம் திரட்ட ராஜ் டிவி முயலுகிறது. 10 ரூபாயை முகப்பு விலையாக கொண்ட சுமார் 35லட்சம் பங்குகளை இந்த IPO மூலம் ராஜ் டிவி வெளியிடுகிறது. 10 ரூபாயை முகப்பு விலையாக கொண்ட ஒரு பங்கின் சந்தை விலை Book Building process மூலம் நிர்ணயம் செய்யப்படும். அதிகபட்சமாக ரூபாய் 257, குறைந்தபட்சம் 221 என்ற வரையறைக்குள் பங்குகளின் விலை நிர்ணயம் செய்யப்படும்.

ராஜ் டிவி பங்குகளை வாங்கலாமா ?

ராஜ் டிவியின் பங்குகளில் முதலீட்டாளர்கள் முதலீடு செய்ய வேண்டாம் என்பதே என்னுடைய கருத்து.

ஏன் வாங்க கூடாது ?

ராஜ் டிவி தமிழில் மூன்றாவது பெரிய தொலைக்காட்சி நிறுவனம் என்ற போதிலும் கடந்த சில ஆண்டுகளாக கடுமையான போட்டியை எதிர்கொண்டுள்ளது. இரண்டாவது பெரிய நிறுவனம் என்ற தன்னுடைய இடத்தை இழந்ததோடு மட்டுமில்லாமல் மூன்றாவது என்ற இடத்திற்கு கூட ஜெயா டிவி போன்ற நிறுவனங்களால் போட்டியை எதிர்கொண்டுள்ளது. ராஜ் டிவி மற்றும் ராஜ் டிஜிட்டல் என்ற இரண்டு சேனல்களில் ராஜ் தனது ஒளிபரப்பை செய்து வருகிறது. இந்த இரண்டு சேனல்கள் மூலமே ராஜ் டிவிக்கு லாபம் வருகிறது. அதன் மற்றொரு தெலுங்கு சேனலான Vissa TV நஷ்டத்தில் இயங்குவதாக ராஜ் டிவியின் RED HERRING PROSPECTUS தெரிவிக்கிறது. இதன் கடந்த ஆண்டு லாபம் (Profit After Tax) சுமார் 3.81 கோடி ஆகும். ராஜ் டிவியின் இந்த லாபம் அதிகரிக்க கூடிய வாய்ப்புகள் மிகக் குறைவு. இதே காலகட்டத்தில் சன் டிவியின் லாபம் சுமார் 128.80 கோடி ரூபாய்.

சன் டிவி நிறுவனப் பங்குகளை, ராஜ் டிவியுடன் ஒப்பிட்டு பார்க்க முடியாது. சன் டிவியின் லாபம் ராஜ் டிவியை விட பல மடங்கு அதிகம் என்பது தவிர சன் டிவி நிறுவனம் பல்வேறு மொழிகளில் சேனல்களை லாபத்துடன் இயக்குகிறது. இது தவிர கேபிள், DTH என பல்வேறு துறைகளிலும் லாபகரமாக செயல்பட்டு வருகிறது.

சன் டிவியின் பங்குகளை தொடர்ந்து ராஜ் டிவி என்பது முதலீட்டாளர்களை ஈர்த்தாலும் ராஜ் டிவியின் அடிப்படையில் பெரிய வளர்ச்சி இருக்கும் வாய்ப்புகள் இல்லை.

ராஜ் டிவியின் எதிர்கால திட்டம் என்ன ?

ராஜ் டிவி தன்னுடைய எதிர்கால திட்டங்களாக கீழ்கண்டவைகளை தெரிவிக்கிறது. இந்த எதிர்கால திட்டங்களுக்கு நிதி திரட்டவே ராஜ் டிவி பங்குகளை வெளியிடுகிறது.

  • Strengthen Production facilities, enhancing content and content acquisition
  • Launching a new Television Channel.

    Broadcast of existing Channels in the International Market.

    To produce Short-films/ Tele-films.

    Acquisition and Export of films in international market.

    To construct new studio premises.

    To finance general corporate purposes.

    To meet the issue expenses.

இதில் லாபத்தை பெருக்கும் திட்டங்களான புதிய தொலைக்காட்சி சேனல், வெளிநாட்டு தமிழர்களிடம் ராஜ் டிவியை கொண்டு செல்வது, தொலைக்காட்சி படங்களை உருவாக்குவது போன்றவை பெரிய லாபங்களை தந்து விடாது என்பதால் ராஜ் டிவியின் எதிர்கால வளர்ச்சி குறித்து சில சந்தேகங்கள் எழுகின்றன.

பங்குச்சந்தை தளத்தின் கருத்து

இந்திய பங்குச்சந்தையில் இருக்கும் பல பங்குகள் அதிக அளவில் லாபத்தை பெற்று கொண்டிருக்கும் சூழ்நிலையில் ராஜ் டிவி பங்குகளில் முதலீடு செய்வது பெரிய லாபத்தை கொடுக்காது. வேறு நல்ல பங்குகளில் முதலீடு செய்யலாம்.

Posted in டிப்ஸ், பங்குச்சந்தை அலசல், Indian Markets, IPO review, Stock Market | 7 Comments »

குறியீடு 346 புள்ளிகள் உயர்ந்தது

Posted by பங்குச்சந்தை மேல் பிப்ரவரி 15, 2007

மும்பை பங்குச்சந்தை குறியீடு (BSE) இன்று சுமார் 346 புள்ளிகள் உயர்வைப் பெற்று 14,373 புள்ளிகளை எட்டியது. சத்யம், விப்ரோ, இன்போசிஸ் போன்ற ஐ.டி. பங்குகளும், நேற்று கடுமையாக சரிந்த வங்கிப் பங்குகளும் இன்று உயர்ந்தன.

உலகப் பங்குச்சந்தையில் நிலவிய உயர்வு பங்குச்சந்தைக்கு நல்ல பாசிட்டிவ் செண்டிமெண்ட்டை கொடுத்தது. பங்குச்சந்தையில் பங்குகளை வாங்கு ஆர்வம் முதலீட்டாளர்களிடம் காணப்பட்டது

Posted in பங்குச்சந்தை செய்தி | Leave a Comment »