தமிழில் பங்குச்சந்தை

பங்குச்சந்தை செய்திகள், அலசல்கள், வாய்ப்புகள், உயர்வு, சரிவு….

Archive for the ‘பங்குச்சந்தை செய்தி’ Category

பங்குச்சந்தை தொடர்பான செய்திகள்

சாப்ட்வேர் நிறுவனங்களின் லாபம் சரிவு : ஊதிய உயர்வு பாதிப்படையுமா ?

Posted by பங்குச்சந்தை மேல் ஜூலை 11, 2007

ரூபாயின் மதிப்பு உயர்ந்துள்ளதால் சாப்ட்வேர் நிறுவனங்களின் லாபம் குறைந்துள்ளது. இன்று தனது வருவாய் அறிக்கையை சமர்ப்பித்த இன்போசிஸ் நிறுவனம், கடந்த காலாண்டுடன் ஒப்பிடுகையில் தனது லாபம் 8.5% சரிந்துள்ளதாக தெரிவித்துள்ளது. ஆனல் கடந்த ஆண்டுடன் ஒப்பிடும் பொழுது இதன் லாபம் 27.7% அதிகரித்துள்ளது.

ரூபாய் உயர்ந்துள்ளதால் தனது லாபம் 287 கோடி வீழ்ச்சி அடைந்துள்ளதாக அந் நிறுவனத்தின் அறிக்கை தெரிவிக்கிறது. பெருகி வரும் ஊழியர்களின் சம்பளம், ரூபாயின் மதிப்பு உயருவது போன்ற நெருக்கடிகளால் சாப்ட்வேர் நிறுவனங்கள் தங்களது Billing ரேட்டினை அதிகரிக்க வேண்டிய தேவை எழுந்துள்ளதாக கருதப்படுகிறது.

தற்போதைய அளவில் ஊழியர்களின் சம்பளம் பாதிப்படையாது. ஆனால் இதே நிலை நீடித்தால் சம்பள உயர்வு மற்றும் சம்பள விகிதத்தில் சரிவு ஏற்படலாம் என்று கருதப்படுகிறது

இன்போசிஸ் பங்கு இன்று சுமார் 90 ரூபாய் சரிவடைந்தது. பெரும்பாலான சப்ட்வேர் பங்குகள் கடும் சரிவடைந்தன. இதன் காரணமாக மும்பை பங்குச்சந்தை இன்று சுமார் 100 புள்ளிகள் சரிவடைந்து 14910 என்ற நிலையில் உள்ளது

Advertisements

Posted in பங்குச்சந்தை செய்தி, வணிகச்செய்திகள், Indian Markets, Rupee | Leave a Comment »

மும்பை பங்குச்சந்தை 2020 ஆண்டில் 50,000 புள்ளிகளை எட்டும்

Posted by பங்குச்சந்தை மேல் ஜூலை 8, 2007

மும்பை பங்குச்சந்தையின் குறியீடு கடந்த வாரம் 15,000 புள்ளிகளை எட்டியது. இதையடுத்து மும்பையின் பங்குச்சந்தை குறியீடு 50,000 புள்ளிகளை எட்டும் என அமெரிக்க பங்குத்தரகு நிறுவனமான மோர்கன் ஸ்டான்லி கூறியுள்ளது

Sensex hits 15000

Posted in பங்குச்சந்தை செய்தி, Indian Markets | 3 Comments »

BSE zoomed over 100pts in morning deals

Posted by பங்குச்சந்தை மேல் பிப்ரவரி 19, 2007

இன்று காலை வர்த்தகம் தொடங்கியது முதல் இந்தியப் பங்குச்சந்தையில் ஏற்றம் காணப்படுகிறது. மும்பை பங்குச்சந்தை குறியீடு சுமார் 100 புள்ளிகள் உயர்ந்தது. ஐசிஐசிஐ, பார்தி, விப்ரோ ஆகிய பங்குகள் உயர்ந்தன.

இந்த வாரம் சந்தையில் சிறிது தடுமாற்றம் இருக்கும். F&O expiry இந்த வாரம் இருக்கும் என்பதால் சந்தையில் ஏற்றமும், இறக்கமும் மாறி மாறி காணப்படும்.

பார்மா (Pharma) பங்குகள் வீழ்ச்சி அடையும் வாய்ப்பு இருக்கிறது. குறிப்பாக ரான்பேக்சி அமெரிக்க அலுவலகங்களில் நடந்த ரெய்ட் ரான்பேக்சி பங்குகளை கடுமையாக சரிவடைய செய்யும். F&O சந்தையில் ராம்பேக்சி பங்குகளை விற்கலாம். இது 370க்கு சரியலாம்

விப்ரோ மற்றும் பிற டெக்னாலஜி பங்குகள் உயரும் வாய்ப்புகள் உள்ளது

இந்த வாரம் சந்தை சூழ்நிலை குறித்து நிச்சயமாக கூற இயலாது என்றாலும், தற்போதைய சூழலில் சந்தையில் உயர்வு காணப்படுகிறது. அமெரிக்க சந்தைகள் கடந்த வாரம் நல்ல உயர்வுடன் காணப்பட்டாலும், வெள்ளியன்று பெரிய உயர்வோ, சரிவோ இல்லாமல் தான் வர்த்தகம் நிறைவுற்றது. பிற ஆசிய பங்குச்சந்தைகளிலும் இதே நிலை தான் காணப்படுகிறது.

கச்சா எண்ணெய் பேரல் $59க்கு வந்துள்ளது. டாலர் – ரூபாய் பரிமாற்றம் ரூ44.07 என்ற அளவில் உள்ளது

BSE

NSE

Posted in பங்குச்சந்தை செய்தி, Indian Markets | 1 Comment »

Dow Closes Up 3, Nasdaq Finishes Down 1

Posted by பங்குச்சந்தை மேல் பிப்ரவரி 16, 2007

கடந்த பத்து ஆண்டுகளில் இல்லாத அளவுக்கு கட்டுமானத் துறை தற்பொழுது வீழ்ச்சி அடைந்து வருகிறது. ஜனவரி மாதத்தில் மட்டும் கட்டுமான துறை சுமார் 14.3 அளவுக்கு வீழ்ச்சி கண்டுள்ளது. இது தவிர மைக்ரோசாப்ட் விஸ்டாவின் வருவாய் பங்குச்சந்தை எதிர்பார்க்கும் அளவுக்கு இருக்காது என மைக்ரோசாப்ட் நிறுவனம் தெரிவித்துள்ளதால் மைக்ரோசாப்ட் பங்குகள் வீழ்ச்சி அடைந்தன

இந்தக் காரணங்களால் தடுமாறிக்கொண்டிருந்த Dow இறுதியாக 3 புள்ளிகள் உயர்வுடன் பங்குச்சந்தை வர்த்தகம் இன்று நிறைவு பெற்றது

Dow Ends Up 3 at 12,768, Nasdaq Ends Down 1 at 2,496 Due to Slide in Housing Starts

Posted in அமெரிக்க சந்தை, பங்குச்சந்தை செய்தி, US Markets | 1 Comment »

பங்குச்சந்தையில் தீவிரவாதிகள் : உண்மை என்ன ?

Posted by பங்குச்சந்தை மேல் பிப்ரவரி 16, 2007

பங்குச்சந்தையில் தீவிரவாதிகள் வர்த்தகம் செய்வதாக எம்.கே.நாராயணன் கூறியதை பங்குச்சந்தையை தீவிரவாதிகள் manipulate செய்வதாக பல பத்திரிக்கைகளும், தொலைக்காட்சிகளும் செய்தி வெளியிட்டு முதலீட்டாளர்களுக்கு பயத்தை ஏற்படுத்தின.

பங்குச்சந்தையை manipulate செய்யும் அளவுக்கு தீவிரவாதிகளிடம் பணம் இருக்கிறதா என்பதும் பங்குச்சந்தையில் சதி செய்ய பணம் தவிர பங்குச்சந்தை குறித்த விபரமான அறிவு தேவை என்பதை எல்லாம் கணக்கில் எடுக்காமல் இந்த பத்திரிக்கைகள் செய்திகள் வெளியிட்டுள்ளன.

இந்தியப் பங்குச்சந்தையின் வளர்ச்சி பெரும்பாலும் வெளிநாட்டு முதலீட்டாளர்களாலேயே (FII) உயர்ந்துள்ளது. தீவிரவாதிகளும் இதில் முதலீடு செய்து லாபம் அடைகிறார்கள் என்பதே எம்.கே.நாராயணன் அவர்களின் கருத்து. இது குறித்து நடவடிக்கை எடுக்கப்படும் என மன்மோகன் சிங் தெரிவித்துள்ளார்

Posted in பங்குச்சந்தை செய்தி, வணிகச்செய்திகள், Indian Markets, Stock Market | 2 Comments »

குறியீடு 346 புள்ளிகள் உயர்ந்தது

Posted by பங்குச்சந்தை மேல் பிப்ரவரி 15, 2007

மும்பை பங்குச்சந்தை குறியீடு (BSE) இன்று சுமார் 346 புள்ளிகள் உயர்வைப் பெற்று 14,373 புள்ளிகளை எட்டியது. சத்யம், விப்ரோ, இன்போசிஸ் போன்ற ஐ.டி. பங்குகளும், நேற்று கடுமையாக சரிந்த வங்கிப் பங்குகளும் இன்று உயர்ந்தன.

உலகப் பங்குச்சந்தையில் நிலவிய உயர்வு பங்குச்சந்தைக்கு நல்ல பாசிட்டிவ் செண்டிமெண்ட்டை கொடுத்தது. பங்குச்சந்தையில் பங்குகளை வாங்கு ஆர்வம் முதலீட்டாளர்களிடம் காணப்பட்டது

Posted in பங்குச்சந்தை செய்தி | Leave a Comment »

Inflation control : Fuels to cost less

Posted by பங்குச்சந்தை மேல் பிப்ரவரி 15, 2007

பெட்ரோல், டீசல் விலை குறைவு

பெட்ரோல் மற்றும் டீசல் விலையை அரசு முறையே ரூ2 மற்றும் ரூ1 ஆக குறைத்துள்ளது. இதையடுத்து பெட்ரோலின் விலை சென்னையில் 47.51ரூபாயாகவும், டீசலின் விலை 33.22 ரூபாயாகவும் இருக்கும். பெட்ரோல், டீசல் விலை குறைக்கப்பட்டதால் HPCL, BPCL போன்ற எண்ணெய் நிறுவனங்களுக்கு பாதிப்பு ஏற்படும். இதனால் பங்குச்சந்தையில் இந்தப் பங்குகள் சரிந்தன.

தொடர்ந்து உயர்ந்து வரும் பணவீக்கத்தை கட்டுப்படுத்தவே அரசு இந்த முயற்சிகளை மேற்கொண்டு வருகிறது. பணவீக்கம் இந்த வாரம் 6.73% எட்டியது குறிப்பிடத்தக்கது. பணவீக்கம் உயருவது பங்குச்சந்தைக்கு பாதிப்பை ஏற்படுத்தும் என்றாலும் நேற்று பங்குச்சந்தை 346 புள்ளிகள் உயர்ந்தது. உலக அளவில் பல்வேறு பங்குச்சந்தைகள் உயர்ந்த சூழலில் இந்தியப் பங்குசந்தைகளும் உயர்ந்தன.

Posted in பங்குச்சந்தை செய்தி, வணிகச்செய்திகள், Indian Markets, Stock Market | 1 Comment »

பங்குச்சந்தையில் வர்த்தகம் செய்யும் தீவிரவாதிகள்

Posted by பங்குச்சந்தை மேல் பிப்ரவரி 15, 2007

தீவிரவாத இயக்கங்களுக்கு பங்குச்சந்தை மூலம் பணம் கிடைப்பதாக தேசிய பாதுகாப்பு ஆலோசகர் எம்.கே.நாராயணன் தெரிவித்து இருக்கிறார். குறிப்பாக மும்பை மற்றும் சென்னை பங்குச்சந்தையில் இவர்கள் அதிகளவில் வர்த்தகத்தில் ஈடுபடுவதாகவும் நாராயணன் கூறியிருக்கிறார்.

மும்பை பங்குச்சந்தையை குறிப்பிடும் அதே நேரத்தில், சென்னை பங்குச்சந்தையை நாராயணன் குறிப்பிட்டுள்ளது ஆச்சரியத்தை ஏற்படுத்தியுள்ளது. சென்னை பங்குச்சந்தையில் அதிக அளவு வர்த்தகம் நடப்பதில்லை. சென்னை பங்குச்சந்தையை நாராயணன் குறிப்பிட்டுள்ளது விடுதலைப் புலிகளை குறித்து தான் இருக்க முடியும் என்று தெரிகிறது. விடுதலைப் புலிகள் பல நிறுவனங்களை நடத்துவதாகவும், அதில் பங்குச்சந்தை வர்த்தகமும் ஒன்று என நாராயணன் கூறியுள்ளார்

விடுதலைப் புலிகளின் இந்த முறையை ஜிகாதி இயக்கங்களும் கடைபிடிக்க தொடங்கி இருப்பதாக அவர் மேலும் தெரிவித்தார்

எம்.கே.நாராயணன் விடுதலைப் புலிகள் எதிர்ப்பாளர் என்பது குறிப்பிடத்தக்கது

Posted in பங்குச்சந்தை செய்தி, வணிகச்செய்திகள் | 2 Comments »

பணவீக்கம் பங்குச்சந்தையை பாதிக்கும்

Posted by பங்குச்சந்தை மேல் பிப்ரவரி 14, 2007

பணவீக்கம் பங்குச்சந்தையை பாதிக்க கூடும் என ஆய்வாளர்கள் தெரிவிக்கின்றனர். பணவீக்கத்தை கட்டுப்படுத்த அரசு வட்டி விகிதங்களை உயர்த்த தொடங்கி இருக்கிறது. இதனால் வங்கி சேமிப்பு உள்ளிட்ட பல்வேறு கடன்பத்திரங்களைச் சார்ந்த (Debt Instruments) முதலீடுகள் அதிக பலனை கொடுக்ககூடும். இதனால் பங்குச்சந்தையில் இருக்கும் முதலீடுகள் சற்றே குறைந்து இத்தகைய கடன்பத்திரங்களை நோக்கி நகரும். இது சந்தைக்கு சரிவை ஏற்படுத்தக் கூடும்

Posted in பங்குச்சந்தை செய்தி, வணிகச்செய்திகள் | Leave a Comment »

வங்கிப் பங்குகள் கடும் சரிவு

Posted by பங்குச்சந்தை மேல் பிப்ரவரி 14, 2007

வங்கிப் பங்குகள் இன்று சந்தையில் கடுமையாக சரிந்தன. ரிசர்வ் வங்கி வங்கிகளின் Cash Reserve Ratio (CRR)வை 0.5% அதிகரித்துள்ளதால், பங்குச்சந்தையில் வங்கிப்பங்குகள் கடுமையாக சரிந்தன. ரிசர்வ் வங்கியின் இந்த நடவடிக்கையால் வங்கிகள் தங்கள் கைவசம் அதிக நிதி வைத்திருக்க வேண்டிய தேவை உள்ளது. இதனால் வங்கிகளிடம் 14,000 கோடி ரூபாய் தேங்கி விடும். இது வங்களின் நிதி வரவை பாதிக்கும் என்பதால் பங்குச்சந்தையில் அதன் எதிரொலி காணப்பட்டது

Posted in பங்குச்சந்தை செய்தி, வணிகச்செய்திகள் | Leave a Comment »